Thyroid and pregnancy: myths and facts

ගර්භනී අම්මලා අතරේ තයිරොයිඩ් ඌනතා ගැන ගොඩක් බයවල් තියෙනවා. 2026 අලුත් ජාත්‍යන්තර නිර්දේශ එක්ක ඒ වැරදි අදහස් ටිකක් හදාගමු.

බොරු: TSH 2.5 ට වඩා ටිකක් වැඩි වුණත් ගර්භණී කාලේ අනිවාර්යයෙන්ම පෙති ගන්න ඕන.

ඇත්ත: දැන් ඒ පරණ සීමාවන් පාවිච්චි කරන්නේ නෑ. ඔයාගේ රිපෝට් එක බලන්නේ ලැබ් එකේ සාමාන්‍ය පරාසයට අනුව (reference range). ඒක නැත්නම් TSH 4 ට අඩු නම් ගොඩක් වෙලාවට සාමාන්‍යයි.

බොරු: TSH ටිකක් වැඩි වුණ ගමන්ම පෙති පටන් ගන්න ඕන.

ඇත්ත: පොඩි වෙනසක් නම් (6 ට අඩුයි නම්), ගොඩක් වෙලාවට ඩොක්ටර් සති කීපයකින් ආයෙත් ටෙස්ට් කරලා බලනවා. එහෙම පොඩි වෙනස්කම් වලින් භාගයක් විතර ඉබේම හරි යනවා.

බොරු: Thyroid antibody (TPO) positive නම්, තයිරොයිඩ් හරි වුණත් දරු ගැබ් නැති වෙන එක නවත්තන්න පෙති ගන්න ඕන.

ඇත්ත: තයිරොයිඩ් ක්‍රියාකාරිත්වය සාමාන්‍ය නම්, ඒ සඳහා පෙති ගැනීම දැන් නිර්දේශ කරන්නේ නෑ.

බොරු: දැනටමත් තයිරොයිඩ් පෙති බොන අයට ගර්භණී වුණාම වෙනසක් කරන්න ඕන නෑ.

ඇත්ත: මේක ගොඩක් වැදගත්!

ගර්භණී කාලේදී පෙති ප්‍රමාණය වැඩි කරන්න ඕන වෙන්න පුළුවන්. Pregnancy test එක positive වුණ ගමන්ම ඔයාගේ ඩොක්ටර්ට කියන්න.

මතක තියාගන්න:

කිසිම වෙලාවක තයිරොයිඩ් පෙති තනියම නවත්තන්න හෝ වෙනස් කරන්න එපා.

හැමෝටම තයිරොයිඩ් ටෙස්ට් ඕන නෑ. ඔයාට අවදානමක් තියෙනවද කියලා ඩොක්ටර් තීරණය කරයි.

ප්‍රශ්නයක් තියෙනවා නම් බය නොවී අහන්න.